DA GASKENE WAI BA'A SAUKAR DA QUR'ANI BA DON A HADDACE SHI?
(1)
.
Assalamu alaikum wr, Haqiqa Allah ya saukar da Al-Qur'ani mai girmane don a Haddace shi, kuma ayi Zurfin Tunani a cikinsa, amma dayake Haddace Qur'ani ba abune mai sauqi ga kasalalle Rafkananne ba, kuma ba abune mai yiwuwa ga Munafuqi ba, ya sai Aka wayi gari ana mana ALFAHARI DA JAHILCI DA KASALA! Wai Allah bai saukar da Al-Qur'aniba don A haddace shi! Subhanallah! Ba mamaki don ka fadi haka, tunda baka Haddace Qur'anin ba, ga Dalilai kan Haddace Qur'an daga Qur'ani da Hadisi:
.
1: DALILAI DAGA ALQUR'ANI: Allah yace: "Kada ka motsa harshenka dashi don kayi gaggawa dashi, lallai hadashi (a qirjinka) da karantashi na garemu * duk sanda muka karantashi to kabi karatunsa * sannan bayaninsa na garemu (zamu sanar dakai)" -Suratul Qiyaamah: 16-19-. Manzon Allah s.a.w yakasance duk sanda Wahayi ya sakko masa, yana gaggawa wajen karanta Qur'anin a sanda Jibril a.s ke karanta masa, sai Allah ya Umarceshi da ya daina Gaggawa, zai tsare Qur'anin a Qirjin Manzon Allah s.a.w, ya zama a haddace kenan! Don ka gane cewa Haddace Al-Qur'ani shine matakin Farko wajen saninsa, sai Allah ya soma kawo Haddarsa (JAM'INSA) a farko, sannan Tilaawa, sannan sai sanin Tafsirinsa (BAYAANAHU), wannan ne sirrin dayasa Allah ya jero abin daki-daki!
.
2: Allah yace: "Lallai mu muka saukar da Ambato (Alqur'ani) kuma mune masu kariya gareshi" -Hijr:9-. Haqiqa kuwa Allah ya tsare Qur'ani ne ta hanyar mahaddatansa, tun daga Zamanin sahabbai har zuwa yau, domin ba Allah ne zai sakko ba ya dinga Gadin Qur'ani, kuma ba Mala'ikune zasu tsareshi kada a tabashi ba, a'a, Mahaddata Haziqai Jaruman mazaje da Mataye sune Allah yayi Amfani dasu wajen kare Al-Qur'ani, kamar yanda Hadisi ya Tabbata gameda Rubuta Al-Qur'ani a zamanin S. Abubakar r.a! Munga rawar da Mahaddata suka taka wajen Rubuta Qur'ani!
.
3: Don ka tabbatar da Cewar Lallai Qur'ani Haddarsa ake, sai mu jaka zuwa suratul Ankabut Inda Allah ke cewa: "Baka kasance kana karanta wani littafi ba gabaninsa (Qur'ani) bakuma ka rubutashi da hannunka, Ai da sai masu barna suyi shakka * A'a (Shi Qur'ani) AAYOYINE BAIYANANNU A QIRAZAN WADANDA AKA BAWA ILIMI, kuma babu masu jayayya da Ayoyinmu face azzalumai". -Ankabur: 48-49-.
.
Ashe kenan Ma'abota ilimi na haqiqa sune ke Daukeda Aayoyin Qur'ani a Qirjinsu! Kamar yanda Allah da kansa ya fadi, Yasanya duk wani Malami a Duniya, a da ko a yau, zakuga tun yana qaramin yaro ya haddace Qur'ani, shine ginshiqi na farko a duniyar karatu! Amma shi kuwa akasin haka! Qur'ani bai zama a Qirjinsa, don Qur'ani be haduwa da akasinsa a zuciya daya.
.
Babbar Ni'imar da Allah yayiwa wannan Al-ummah tun farkonta zuwa yau itace ni'imar HADDACE QUR'ANI, in muka duba zamuga adadi mai yawa daga cikin Sahabbai sun haddace Qur'ani, har a yaqin BI'IRU MA'UWNAH mahaddata 70 ne sukai shahada, hakanan ya yaqin YAMAAMAH, mahaddata 70 ne sukai shahada!
.
Zamuga cewar Annabi s.a.w yasha tura sahabbansa garuruwa koyarda Al-qur'ani da Addini, kamar Mus'ab bn Umair, wanda ya aikashi Madina, da Abdullahi bn Ummi Makhtum, wanda shi Makaho ne ma, amma dake abin a Qirji ne, da Mu'azh bn Jabal Zuwa Makkah bayan Hijrah don karantar da Qur'ani da Addini! Kuma muga yanda a lokacin sahabbai ke rige-rigen Haddace Al-Qur'ani, da sanya Yayansu zaurukan Haddace Qur'ani, wanda a Qarshe dayawansu sun haddace Qur'ani da Qira'o'I daban daban! In muka dubi Qaramin Misali, lokacin da Sahabbai sukai Hijrah zuwa Habasha, ai Ba Qur'ani suka bude suka karantawa Najjashi ba, a'a Hadda ce!
.
Don Haka in Allah bai sanyaka cikin Jakadun Al-Qur'ani ba masu bashi kariya, to kada ka soki Mahaddatan ko haddar, koda yake masu hikima na cewa: AL-INSAANU ADUWUL-LIMA JAHILA.
.
Zamu hadu a kashi na 2!